Lizeaga eta Jauregi urnietarrak, azkarrenak
Jokin Lizeagak 58 minutu eskax pasa zituen Oindira igo eta jaisten. Ainhoa Jauregi izan zen emakumezkorik azkarrena, eta 1:15:15 denbora egin zuen. Lehenengo ereñotzuarra, Iñaki Gorrotxategi.
2011/06/06 - Astelehena
Urnieta indartsu dabil mendi lasterketetan, eta atzo ere bi irabazleak, hangoxeak izan ziren: Jokin Lizeaga mutiletan eta Ainhoa Jauregi nesketan, Urnietako bikoteak hartu zien denei gaina, atzo, Oindiko malkarretan igo eta jaisten. Denborak ere hotzikara jartzeko modukoak. Lizeagak 31 minutuan igo zuen Oindi, eta Ereñotzura bueltan ordubetez azpitik zen. Oso gertu zituen Zigor Iturrietan eta Ibai Alba hernaniarrak (elkarrekin sartu ziren 2-3 postuetan), eta Unai Santamaria ondoren (erdi-ereñotzuar jo zuten atzo). Iñaki Gorrotxategi 31garren postuan sartu zen, eta bera izan zen lehenengo ereñotzuarra. Guztira 188 lagunek bukatu zuten, eta Hernani eta Ereñotzukoak, 69 lagun. Oindiko puntan, eta igoera guztian izan ziren atzo animatzaileak. Oindiko puntan izan zirenek Kronikari adierazi ziotenez, «azken igoeran, sekulako pilak juntatu dira lagunei animoak ematera».
San Antonioak ostiralean segiko dute, Ereñotzun.
SAILKAPEN OROKORRA
1-Jokin Lizeaga 57:50
2-Zigor Iturrieta 59:21
3-Ibai Alba 59:22
4-Unai Santamaria 1:00:04
5-Fraçois Champagne 1:02:09
6-Iban Urdangarin 1:03:19
7-Aitor Etxarren 1:04:36
8-Jose Javier Maiza 1:05:07
9-Jon Manzisidor 1:05:15
10-Sergio Uzkudun 1:05:44
Aurreneko emakumezkoa
1-Ainhoa Jauregi 1:15:15
Aurreneko Ereñotzuarra
1-Iñaki Gorrotxategi 1:11:21