Andoaingo Udaletxeko batzar aretoan, “Iturzaeta Memoriala” aurkeztuko da. Memoriala pala motzean jokatuko da eta palaz zein eskuz profesionalak izandakoek eta gaur egun afizionatuak diren pilotariek hartuko dute parte. Memoriala datorren asteburuan hastekoa da.
Pilota jardueraz gain, ekitaldi gehiago burutuko dituzte Iturzaeta omentzeko.
Maiatzak 5, osteguna. 13:00.
Prentsaurrekoan ondorengoek hartuko dute hitza:
-Aurkezle gisa, Andoni Alvarez (Gazteleku pilota klubeko entrenatzailea, eta Iturzaetaren aldeko Batzordekidea).
-Patxi Jauregi (Iturzaetaren adiskidea, eta Gipuzkoako Pilota Federazioko presidentea).
-Estanis Amutxastegi, Andoaingo alkatea.
-Horiekin batera izango dira ere memoriala jokatuko duten zenbait pilotarik, eta Iturzaetaren familiarrak. Halaber, maiatzean eta ekainean ospatzekoak diren gainerako ekitaldiak gogoratuko dira. Horien artean memorialeko finalisten eta profesionalen arteko jaialdia Arraten; herri bazkaria; herri txapelketa Sorabillan; Joxe Mari Iturzaetaren figuraren inguruko liburu-biografia,...
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
