Atzo arratsaldean izugarrizko mugimendua izan zen Arroa auzoan. Guardia zibil eta ertzain kopuru handia bildu zen eta Landerren etxea eta ingurua prezintatu zituzten. Bien bitartean, herritar ugari gerturatu zen auzora Landerri eta haren familiari elkartasuna adieraztera. Era berean, komunikabide ugari bildu zen gertaeraren jarraipena egiteko ere. Gaur iluntzeko 20:00etan, Lander askatzeko eskatuz, manifestazio deia egin du AAMak Errebote plazatilk.
Atzo arratsaldean Lander Etxeberria billabonatarra atxilotu zuen Guardia Zibilak Beran (Nafarroa), Lesakatik, lanetik atera zenean. Handik Amasa-Villabonako bere etxera ekarri zuten eta 18:00etatik goizaldeko 01:30ak arte luzatu da miaketa, Arroa auzoan. Guardia Zibilak atxilotu eta behin Amasa-Villabonara ekarritakoan, haiekin batera Ertzaintza ere Arroa auzoan izan zen ordu luzetan. Dirudienez, joan zen asteartean Legorretan atxilotutako Aitor eta Igor Esnaola anaien operazioarekin lotuta atxilotu dute billabonatarra ere, 'anaien eta ETAren arteko bitartekari lana egitea egotzita':
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!