Andoaingo Udalak eta herriko hamahiru elkartek egitasmoa aurkeztu dute. Euskara Biziberritzeko Plan Nagusiaren garapenean Mintzalaguna egitasmoak garrantzia berezia dauka, euskararen beraren erabilera ardatz duelako. Eta hain zuzen ere, planaren helburu nagusia ildo horretan kokatu zuen Andoaingo Udalak: “gure artean euskaraz hitz egiteko ohitura hartzea”. Astean behin eta ordubetez, euskaldunek euskararen alde asko egin dezakete. Bi, hiru edo lau laguneko taldeetan mintzataldeak osatuko dira euskaraz jarduteko.
Horietako bat euskalduna izango da, eta besteak ikasten ari direnak. Udalak herriko euskaldunak deitu ditu Mintzalaguna egitasmoan parte hartzera. Egun hauetan eskuorriak banatu dituzte eta, besteak beste, egitasmoarekin bat azaldu dira Luxio Aranburu, Miguel Angel Perez Lasa, Mari Paz Artolazabal, Maria Pilar Herce edota Merhdad Ebadi andoaindarrak.
ANDOAINEN Mintzalaguna izateko INFORMAZIO GUNEAK: • Euskara zerbitzua: 943 300 831 • AEK euskaltegia: 943 591 704 • euskarazerbitzua@andoain.org • andoain@aek.org • praktikatu.blogspot.com
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
