Oinkari dantza taldeak aurrera jarraitzen du Kantinan antolatutako ekitaldiekin eta, besteak beste, kontzertuak izango dira gaur gauean. Jaialdiari gaueko 23:00etan emango zaio hasiera, guztira hiru talde izango direlarik eszenatokian. Lehenak MARGOT taldekoak izango dira. Lizartza, Anoeta, Alkiza eta Donostiako musikariek osatutako talde honek, beraien azken lana aurkeztuko dute. Bigarren BLAKA talde donostiarra arituko da. Talde oso gaztea da eta Barricada taldearen telonero lanak egitetik datoz. Gauari amaiera emateko, 3 GABE 2 talde donostiarra izango da bigarren urtez jarraian. Erritmo biziz eta alaiez beteko dute kantina, iazko emanaldia ikusirik, giro bikaina jarriko dute ziur. Sarrera doan izango da.
Urtarrilaren 8an 'Gure Txokoa oroituz' jaialdia:
Urtarrilaren 8an 'Gure Txokoa oroituz' jaia izango da. 21:00etan afari herrikoia, ondorengo menuarekin: Pintxo eder bat + arrain zopa + solomiloa pikillo eta pure patatarekin + postrea + kafea + kopa. Prezioa: 25 €. Izen-ematea 660139380 telefonoan, ostirala baino lehen. Azpimarratu afariaren prestakuntza Irrintzi elkarteko kideen esku joango dela.
Afalondoren berriz, gaueko 23:00etan dantzaldiari emango zaio hasiera, bertan garai bateko musikaz gozatzeko aukera izango delarik. "Musika zaharra giro ederrarekin uztartu eta garai bateko GURE TXOKOA dantzaleku bihurtu nahiko genuke KANTINA".
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
