Abenduaren 19an Xoxoka-Goiburu auzo elkartekoek mendi irteera antolatu zuten. Onddi aldera abiatu ziren, ondoren auzo elkartean hamaiketakoa egiteko (ikus, argazkiak). Abenduaren 24an auzoan zehar kantari irten zen taldetxo bat. Ez dira Eguberrietako hitzordu bakarrak izango.
Aurten ohitura zaharra berreskuratuko dute Urnietako Goiburun, auzolana.
“Baina oraingo honetan, ez ditugu bideak garbituko edo sagarlanak egingo, haurrak lan goxo baterako elkartuko dira. Haien lana guztion probetxurako izango da, guraso eta auzotarrentzako merienda prestatuko dutelako: txokolatea eta haurrek egindako gailetak”. Ospakizunerako, haurrek egindako apaingarriak aretoan jarriko dituzte.
Abenduak 28, asteartea
10:30 Apaingarri eta gaileta tailerra.
Abenduak 29, asteazkena
16:00 Meriendaren prestaketa.
17:30 Nagusiei harrera eta, jarraian, merienda.
Urtarrilak 4, asteartea
10:00 Xoxokako eskola zaharrean koloretako hondarrekin margotzeko tailerra.
Egin AIURRIkide!