Aurten, Elutseta izan da garaile. Haien atzetik, hurrenez hurren, Sorozabal eta Milluts. Beste sei baserrietako sagardoa ere dastatu ahal izan zen: Altzibarzarra, Antso, Bidegurutzera, Errotaburu, Montefrio eta Pagoaga.
Sagardo onenaren botila enkantean eraman zuena Alberto Ramirez izan zen, borroka estu batean. 13 euro ordaindu zituen. Marka guztiak hautsi zituen, urrun dago iazko 7,50eko marka.
SAGAR-TARTA LEHIAKETA
Epaimahaiak lana izan zuen onena erabakitzen, aurkeztutako tarta guztien maila oso altua izan zelako. Manoli Sorondo izan zen garailea eta haren atzetik, hurrenez hurren, Rosa Elosegi eta Joakina San Sebastian. Beste zortzi tarta gehiago dastatu ahal izan ziren: Ana Pulpon, Pilar Etxezarreta, Eugenia Guridi, Joxe Peñagarikano, Pilar Intxausti, Oihane Ramirez, Lucia Saiz eta Nagore Brel-Begoña Kijeraaren artean egindakoa.
EGUBERRIETAKO SASKIA
Hirugarrenean atera zen irabazlea. Izan ere, saskia eskuratzeko saridunak han bertan egon behar baitu. Beñat Lizasorentzat izan zen saskia, berea baitzen 179 zenbakidun txartela. Jaia aparta izan zen, datorren urtekoa ere bide beretik joango da.
San Tomas eguna dela eta, giro aparta sortu zen Kontzejupean. Lourdes Iriondo musika eskolako doinuekin eta Gaztelekuak antolatutako jolasekin plaza ingurua girotzen hasi zen. Arratsaldeko seietarako sagardoa dastatzeko eta txistorra jateko asmoz lehen herritarrak hurbildu ziren. Haien atzetik, asko eta asko gehitu ziren ospakizunera. Aurten, gainera, sagar-tarta ere jan ahal izan zuten.
San Tomas eguna, 2010.
2010.XII.21. Kontzejupea, Urnieta.
Usadiozko II. sagardo txapelketa:
1. Elutseta (Juan Bautista Urruzola) 88 puntu.
2. Sorozabal (Juan Peñagarikano) 79 puntu.
3. Milluts (Patxi Pagola) 79 puntu.
Epaileak: Joanito Arruarte, Lupe Urriza, Joxemari Iturbe, Lurdes Urruzola, Txema Gonzalez eta Genma Telletxea.
I. Sagar-tarta lehiaketa:
1. Manoli Sorondo 47 puntu.
2. Rosa Elosegi 45 puntu.
3. Joakina San Sebastian 43 puntu.
Epaileak: Petra Elser, Juankar Erasun eta Begoña Ansa.
Egin AIURRIkide!