Arropa, jokuak…
Asteotan zehar, material bilketa egiten ari dira Caritaseko kideak Zumea kaleko hirugarren zenbakian duten egoitzan: “Jakiak, altzariak, arropak, jostailuak edota beste edozein material eman nahi duenak, Zumea kaleko gure egoitzan aurkituko gaitu eta 943 116 150 telefono zenbakira ere dei dezake”.
Diru bilketa bereziak ere egingo dituzte egunotan. Esaterako, abenduaren 18 eta 19an herriko parrokietan bildutako dirua Andoaingo Caritasera bideratuko da. Dirua kontu korronte bidez eman nahi duenak ere izango du horretarako aukera, Euskadiko Kutxaren 3035 0026 26 0260022466 kontuan sartuz.
Urtean zehar diru ekarpen finkoak egin nahi izanez gero, Zumea kaleko egoitzara jo beharko da datuak ematera. Bertan zehaztu beharko da, besteak beste, zenbateko diru ekarpena egin nahi den eta zenbateko maiztasunaz.