Oinkari dantza taldearen XXXV. urteurrena ospatzeko antolatu diren ekintzei hasiera emango zaie asteburu honetan. Honela, igande honetan, azaroak 14, Oinkari dantza taldearen argazki erakusketa irekiko da goizeko 11:00tan. Aste osoan zehar izango da bertara inguratzeko aukera ondoko ordutegian: Astelehenetik ostiralera (17:00-21:00). Larunbat eta igandetan (11:00-13:30 / 17:00-21:00).
Bestalde, azaroaren 21ean Oinkariko dantzari eta dantzari ohien bazkaria izango da Aburuza sagardotegian. Bazkarirako txartelak jadanik salgai daudela gogorarazi dute antolatzaileek, ohiko lekuetan: Obaba, Itzalpe, Iru Aldeta, Arnasa eta Iturrigoxo tabernetan, nahiz Larrea, Amasa, Ogi-goxo, Labezain eta Kixubi okindegietan.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!