Horrez gain, datorren astetik aurrera herriko gaien eta udal zerbitzuen inguruko inkesta telefoniko bat egiten hasiko da, inkestatzaileak Gizaker etxeko langile bezala identifikatuko dira eta deiak udalaren izenean egingo dituzte. Bestalde, jadanik banatu dituzten postazko inkestetan, kartazala edo galdetegia falta zaien interesatuek udaletxeko harreran izango dituzte eskuragarri.
Alegazioak aurkezteko:
HAPOaren dokumentuari hasierako onespena eman zitzaion aurreko hileko 22an udal korporazioaren osoko bilkuran eta akordioa 2010eko urriaren 1ean GAOean argitaratu zen, Azaroaren 15a izanik alegazioak aurkezteko azken eguna. Hiri Antolamenduko Plan Orokorraren dokumentua Urnietako Udaleko batzar aretoan ikus ahal izango da, astelehenetik ostiralera goizeko 10:00etatik 13:30etara bai eta astelehen eta asteazken arratsaldeetan 17:00etatik 19:00etara ere.
Informazioa:
Iker Apaolaza Avila 943 00 80 33 / iapaolaza@urnieta.org
Aurreko asteazkenean, hilak 6, egin zen Urnietako udalak bultzatutako herri partehartze prozesuaren lehen bilera. Bilera honetan 35-40 bat herritar bildu ziren. Mikel Izagirre alkateak aurkezpena eta partehartze prozesuaren zergatiak eta arrazoiak eman zituen. Beste aldetik, Ibon Zugasti, Prospektiker etxeko teknikariak, Partehartze prozesuaren xehetasunak eta egutegia azaldu zituen, eta azkenik, Ana Crespo eta Pedro Etxaniz, HAPOaren talde erredaktorearen arkitektoak, dokumentuaren xehetasunak eman zituzten. Bertaratu zirenak, HAPOaren eta Idiazabal kaleko reurbanizazioaren inguruan zituzten zalantza eta dudak azaltzeko aukera izan zuten.
Parte-hartze prozesuaren hurrengo bilera urriaren 13an, 19:00etan, Lekaio Kultur etxean izango da, eta bertan Hirigintza Antolamendurako Plan Orokorraren xehetasunak sakonago azaldu eta eztabaidatu ahal izango dira. Urnietako udalak, herritar guztiei bilera honetan parte hartzera animatu nahi ditu.
Alegazioak aurkezteko epea:
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!