Urnietako Sanmiel jaien barruan Donostiako Orfeioak kontzertua eskainiko du datorren urriaren 2an arratseko 20:00etan Urnietako San Miel parrokian. Bihar astelehena jarriko dira sarrerak salgai Lekaio kultur etxean. Bi sarrera mota izango dira; eseritakoak, 5 euroko prezioan, eta zutikakoak, 3 eurotan. Udalak antolatutako kontzertu honetan jasotzen den dirua parrokiaren esku utziko da, honek gobernuz kanpoko elkarteren bati bideratzeko. Kontzertu honek sortu duen ikusmina kontuan hartuta bertara joateko interesa dutenei lehenbailehen sarrera eskuratzea gomendatzen zaie antolakuntzatik.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!