Gipuzkoako Foru Aldundiak aurten hasiko ditu Hernaniko saihesbidea bikoizteko eraikitze lanak. hori da Urumeako autobia burutzeko falta dena, hartara Andoain eta Donostia arteko N-Ieko trafikoak beste bide bat izan dezan. Proiektuari esker, Hernaniko saihesbideak 4 lerro izango ditu (egun, 2) 2,4 kilometroan barrena. Aurrekontua 34 milioi euro izango da eta lanak egiteko 24 hilabeteko epea ezarri da.
Bikoizte hori gauzatuta, Urumeako autobidearen “puzzlea” osatuko da: 6 hiri saihesbide bata bestearen atzetik, bost herriri eragiten dietenak (Andoain, Urnieta, Hernani, Astigarraga eta Donostia). Une honetan, lanak burutzeko, bi muturrak falta dira: iparraldeko zatia, Donostiako erdialdera sartzekoa Zorroagako tunelean barrena; hegoaldeko zatia, N-I errepidearekin izango duen lotura Andoaingo saihesbidean barrena. Duela zenbait urte zabalik dagoen Hernaniko saihesbidea 4 lerrotara zabalduta, azken urratsa emango da Donostia-Andoain korridorea osatzeko.
Egin AIURRIkide!