Bazkalostean, Gurutz-bidean parte hartzen dute, eta herrira bidean, aurtengoan Orthez herrian geldialdia egin ondoren, iluntzeko bederatziak aldera Urnietara iritsi ziren.
Nekatuta baina pozik, “gozoak eta oso baliagarriak dira Lourdesen bizitako orduak, Amabirjinaren oinetan lasaitasuna, indarra eta oinazean sosegua topatzen duten gaixo eta ezinduen artean eta baita osasunez ondo daudenen artean ere”.
Antolatzaileak pozik daude, “batez ere, aurten lehenengo aldiz joan diren gazteengatik. Eskerrak eman nahi dizkiet parte hartzaileei eta datorren urtean ere gurekin etortzera animatu nahi ditut guztiak”, esanaz bukatu du Lolik.
Duela 25 urte arte, Urnietan hain gogoratua den Jose Ignazio Zugasti apaizak antolatzen zuen Lourdesko erromesaldia. Jose Ignaziok Urnieta utzi zuenetik Loli Bernardo eta Kontxi Albizu arduratzen dira zeregin horretaz, beti ere, parrokiaren laguntzarekin.
Aurtengoan, ekainaren 13an goizeko zazpietan abiatu zen Urnietatik Lourdeserako erromesaldia, Lolik azaldu duenez “eguraldi ona denean Lourdesera joan aurretik saiatzen gara han inguruko Pirinioetako tokiren bat ezagutzeko aukera aprobetxatzen; Lourdes ingurune apartean baitago. Aurtengoan ezin izan genuen eguraldi txarra izan genuen eta”.
Aurtengoan, ekainaren 13an goizeko zazpietan abiatu zen Urnietatik Lourdeserako erromesaldia, Lolik azaldu duenez “eguraldi ona denean Lourdesera joan aurretik saiatzen gara han inguruko Pirinioetako tokiren bat ezagutzeko aukera aprobetxatzen; Lourdes ingurune apartean baitago. Aurtengoan ezin izan genuen eguraldi txarra izan genuen eta”.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!