Hiru Handiak frogan Oier Ibarbia bigarren

Erabiltzailearen aurpegia Aiurri 2010ko eka. 29a, 01:12

Joan zen larunbat goizeko 00:00etan abiatuta, 1221 mendizale eta lasterkarik hartu zuen parte bi urtez behin Araba, Bizkaia eta Gipuzkoako mendietan barrena egiten den froga entzutetsuan. Gopegitik abiatuta, Gorbea mendia igo zuten lehenik parte hartzaileek; mendiz mendi, Anboto eta Aizkorri ere zeharkatu zituzten, Araiako helmugara iritsi aurretik. Izugarrizko beroa lagun, 1221 parte hartzaileetatik 709k lortu zuten helmugara iristea. Tartean baita eskualdeko mendizaleek ere:

Pedro Etxeberria zumaiarra izan zen lehen postuan Araiara iritsi zena eta bigarren lekuan, Oier Ibarbia zizurkildar gaztea ailegatu zen. Aldapan gora bezala behera, zoriontzeko moduko lasterketa egin zuen Ibarbiak. Azken urteetan txapela irabazi izan duen Joxe Luis Albizurik hirugarren postua eskuratu zuen.

Emakumeen artean, Abadiñoko Oihana Azkorbebeitiak lortu zuen txapela eta Oargiko Leire Iruretagoiena izan zen bigarren, Sonia Regueiro nafarraren aurretik. Eskualdeko emakumeen artean, besteak beste, Uxune Tena andoaindarrak 12. postua lortu zuen eta Kontxi Eizmendi villabonatarra 28. iritsi zen helmugara.

Froga amaitu zutenei bezala, amaitzea lortu ez zuten parte hartzaile guztiei zorionak egin zuten ahalegin handiagatik.

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!