Gogoratu behar da argindarraren tarifa orokorra (Azken Aukerako Tarifa, 18 milioi erabiltzaileri eragiten diona, gehienak familiak eta enpresa txiki eta ertainak) joan den urtarrilan %2,6 garestitu zela, aurreko urteko KPIaren (%0,8) gainetik aise; eta 2006 urtetik hona argindarraren salneurria KPIa baino askoz gehiago igo dela, herritarren eta enpresen guztizko gastuan gero eta ehuneko handiagoa hartuz”.
Argindarra BEZeko igoeraz ez da libratzen
Aringarria, hala ere, osagabe da. Izan ere, Balio Erantsiaren gaineko Zergak (BEZ) uztailaren 1ean pairatuko duen 2 puntuko igoera (%16tik %18ra) argindarraren fakturan ere islatuko da.
Euskal Herriko Kontsumitzaileen Antolakundeak uste du BEZeko igoera hau ez litzatekeela oinarrizko hornikuntzetan (argindarra, ura eta gasa) ezarri beharko.
Euskal Herriko Kontsumitzaileen elkarteak argindarraren igoera bertan behera uztea txalotu du
“Energia Estatu Ituna lortzearren Madrilgo Gobernua eta PPren arteko negoziazioaren eta kontsumitzaileen elkarteen presioaren fruitu, Industriako Ministeritzak uztailaren 1erako aurreikusita zegoen argindarraren salneurriaren igoera (batez besteko %4a susmatzen zen) ez egitea erabaki du, krisialdiak gogorki kolpatutako familien eta enpresen ekonomiei lasaitu ederra emanaz".
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!