Babes ofizialeko etxebizitzak ziren, Magnesitas, Inquitex, Sapa edota Laborde bezalako fabrika ezberdinek sustatuta. Etorkin eta langile askoren bizitoki bilakatu zen.
Igande honetakoa aurten egingo den lehen ospakizuna izango da. Udazkenean ospakizun gehiago burutuko dira. Besteak beste, Andoaingo Udala auzoaren historia biltzen duen liburua osatzen ari da auzotarren laguntzarekin.
Auzo bazkaria, beraz, lehen hitzordu garrantzitsua izango da. Familia osoarekin joateko moduko bazkaria izango da. Mende erdia igaro ondoren, familia bereko hiru belaunaldi bilduko dira: etxebizitzatan bizitzen jarri zirenak, eta haien seme-alabak eta bilobak. Eguraldi txarra ez da arazo izango, Andoaingo Udala bazkarirako karpa jartzeko prest agertu baita. Igandeko bazkariaren ondoren, ospakizun gehiago izango da udazkenean.
Igande honetan Ongi Etorri tabernaren aurrealdeko plazatxoan egingo den bazkarian hirurehun auzotar bilduko dira. Auzune hartako hiruzpalau solairuko etxebizitza horiska horiek guztiak Grupo Larramendi edota Las casas del pueblo bezala ezagunak dira, eta aurtengo urriaren 30ean berrogeita hamar urte beteko dira etxebizitza horiek altxa zituztenetik.
Egitaraua. Ekainak 20, igandea
12:00 Jolasak haurrentzat, joaldunen kalejira auzunean eta trikitilariak.
14:00 Bazkaria auzotarrentzat. Musika eta dantzaldia.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!