Beharrezkoa ikusten dute arloz arlo diagnosia garatzea. Sektorez sektore, eskemak egin eta haiek partekatzen ari dira, diagnostikoa bera ahalik eta zabalena izateko, “Badakigu, ordea, ez garela guztiongana iristen; horretarako, guztion ekarpen, zalantza, iradokizun eta dena-delakoa jasotzeko, bi bide jarri nahi izan ditugu martxan. Batetik, lapurtxulo@gmail.com e-posta helbidea jarri dugu edonoren eskura, norberari bururatutakoa bertara igorri dezan. Bestetik, ekarpenak eta duda-mudak zabaltzeko egitasmoa antolatu nahi dugu, ekainaren 19an, herritarrak, prozesu guzti honen protagonista izate aldera”.
Ekainaren 19an, beraz, herri batzarra egingo dute Urigainen goizeko 10:30etan eta, ondoren, prentsaurrekoa eskainiko dute Goikoplazan eguerdiko 12:30etik aurrera. Amaitu aurretik hamaiketakoa eta musika saioa eskainiko dira.
Andoaingo sektore sozial ezberdinetako herritarrak batu dira ekainean zehar ekimen berritzaileari bide egiteko. Zera diote prentsa oharrean, “hainbat lagun batu gara egoerari neurria hartu eta poliki-poliki, hura aldatzeko xedez. Oinarri eta kezka sendo batetik abiatzen gara: gaur egungo herri antolamendu eta funtzionamenduak ez ditu andoaindar gisa ditugun nahi eta beharrak asetzen. Bada, eskuz esku, guztion artean, etorkizunean nahi eta behar dugun herria, nahi eta behar dugun Andoain ehuntzen hasi nahi dugu; bakoitzari dagokion esparruan, bakoitzak ahal duen neurrian. Baina ideia garbi batez: parte hartzean oinarritutako prozesu bat aurrera eramanez”.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!