Frantziako Poliziak maiatzaren 6an atxilotu zituen lau gazteak, Lapurdin: Olatz Izagirre urnietarra, Renedo bilbotarra eta Likona lekeitiarra Ziburun, eta Coloma donostiarra Hendaian.
Espainiako Polizia eta Guardia Zibila lau gazte horiek atxilotzen saiatu ziren iazko azaroan, Segi gazte mugimenduaren kontra egindako polizia operazioan. Izagirre, Renedo, Coloma eta Likona ez zituzten etxean atzeman, eta ordutik Ipar Euskal Herrian bizi ziren, iheslari politiko moduan. Bizitza erabat publikoa eta normala egiten zuten. Polizia operazio hartan, Guardia Zibilak eta Espainiako Poliziak gazte mugimenduaren kontra sarekada handi bat egin zuten: 34 lagun atxilotu eta 92 miaketa eginez.
Olatz Izagirreren aurkako euroaginduari buruzko erabakia ekainaren 8ra atzeratu dute
Olatz Izagirre, Carlos Renedo, Asier Coloma eta Gaizka Likona gazteen aurkako euroagindu eskaera Paueko Auzitegian aztertu ondoren, Renedorena, Colomarena eta Likonarena onartzea erabaki du epaileak. Olatz Izagirre urnietarraren kasuan gehiago aztertzekotan geratu da, eta horretarako informazioa eskatu dio Espainiako Auzitegi Nazionalari, zer egin erabakitzeko.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!