Naturbide edo “Via verde” delakoen nazioarteko egunaren atarian, Andoaingo Udalak Estatuko Gobernuko ordezkaritzari harrera egin zion Leitzaran Bisitarien Etxean. Ekitaldia Plazaolako ibilbidean zehar egindako aldaketak eta moldaketak inauguratzeko baliagarri izan zen.
Andoainen astebetean bi aldiz izan da Estatuko Gobernuko ordezkariren bat. Aurrekoan E planaren jarraipena egiteko bisita egin zuten Andoainera. Besteak beste, RENFEko lurrazpiko pasabidea eraikiko duten tokian izan ziren.
Andoaingo Udalak jakinarazi duenez, azken berrikuntzak egiteko aurrekontua 500.000 eurokoa izan da. Kopuru hori guztia gainera, Ingurugiro Ministeritzaren kargu joan da.
Estatuko Gobenuaren izenean Francisco Jordán de Urries bertaratu zen Leitzaran bisitarien etxera. Udalaren aldetik, berriz, Estanis Amutxastegi alkatea, Jose Luis Vela lehen alkateordea eta Petri Romero Sustapen ekonomia saileko zinegotzia.
ERROMESEI BEGIRA, PLAZAOLAKO ATERPETXEA
Prentsaurrekoan ere, Geltoki auzunean, 8-10 lagunentzat aterpetxea zabalduko dutela iragarri zuten. Uztailaren 1ean irekiko dutela iragarri zuten.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!