Eskerrak ere luzatu dituzte, "eskerrak, goiz goizetik, lanean jardun zuten gure kide guztiei, militantziaren balorerik onenak elkartasunaren mesedetan jartzeagatik, ekitaldi guztiak posible egin zituzten guztiei, bazkaltzen bildu ziren 200 lagunei, preso zein iheslarien senideei omenaldi beroa eta hunkigarria egitea posible egin zuten guztiei, Villabonako kaleak beste behin elkartasunez bete zituzten diana, herri kirol, kantu jiran parte hartu zuten guztiei. Den-denei lerro hauen bitartez gure eskerrona adierazi beharrean aurkitzen gara.
Aiztondora egunak indartu gaitu, euskal preso zein iheslari politikoen eskubideen aldeko borrokan, Herri honen eskubideen aldeko borrokan jarduteko. Oztopo eta eraso guztien aurrean, gure senide eta lagunei, babesa eta maitasuna adierazten jarraituko dugu".
Aiztondo bailarako amnistiaren aldeko mugimenduak ondorengo idatzia igorri du joan zen larunbateko elkartasun egunaren inguruan: "bihotzez eskerrak eman nahi ditu larunbatean Villabonan burutu zen Aiztondora egunean parte hartu zuten herritar zein eragile guztiei. Euskal preso politikoen aurkako eraso eta oldarraldi errepresibo, zein haien senide eta lagunek jasaten dugun eraso etengabekoaren aurrean, larunbatean jaso genuen elkartasun eta babesa ezin daiteke ahazturan utzi".
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!