Urtarrilaren 23an Adunan egindako Sahararen aldeko elikagai bilketan, 320 kilo elikagai bildu zituzten eta Santa Ageda bezperako kantu errondan, 1220 euro eman zituzten herritarrek. Azken bilketa honetako dirua, Sahara eta Haitiren artean banatu dute helburu horrekin Kutxan zabaldutako kontu korronteetan sartuz. Adunako Sahara aldeko taldeko kideek, eskerrak eman nahi dizkiete herritarrei azaldutako borondateagatik.
Iazko Santa Ageda bezperako errondan bildutako dirua, Saharako Mi Yc herrian eskola bat eraikitzen laguntzeko bidali dute. "Tolosaldea Sahararekin" izango da eskola berri horren izena eta Tolosaldea Sahararen alde elkarteak izan du hura egiteko ekimena.
Herritarrek urteetan zehar izan duten borondate ona eskertu nahi dute Adunako Sahararen aldeko taldeko kideek lerro hauen bitartez.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
