Euskaltzaindiak aldiro-aldiro izendatzen ditu ohorezko euskaltzainak, bere arautegiaren arabera, hain zuzen ere euskarari egindako mesede bikainengatik. Gaur egun, 33 ohorezko euskaltzain dira. Urtarrilaren 29an, Euskaltzaindiak Donostian egindako osoko batzarrean 11 ohorezko euskaltzain berri izendatu zituen eta otsailaren 26an "euskararen aldeko merezimendu bikainak" aitortzen dituen diploma bana jaso zuten. Ohorezko euskaltzain berrietako bat Xabier Lete, idazle, poeta eta kantari urnietarra da:
Oiartzunen jaioa, baina aspalditik Urnietan bizi dena. Idazle, poeta eta kantaria. Ez dok Amairu taldea sortu zuenetariko bat da Xabier Lete. 1975etik 1978ra Antton Valverderekin kantatzen aritu zen, eta bertso zaharren bertsio berriekin bi disko atera zituzten, Lizardiren poesiei eta Txirritaren bertsoei eskainiak. Antzerkia ere jorratu zuen, eta euskal teatro modernoaren oinarriak finkatzeko asmoak bultzaturik, Eugenio Arozenarekin kolaboratu zuen. Kolaborazio horretatik sorturiko obrak Oiartzungo Intxitxu antzerki taldeak antzeztu zituen.
Besteak beste, poema liburu hauek idatzi ditu:
Egunetik egunera orduen gurpillean
Bigarren poema liburua
Urrats desbideratuak
Biziaren ikurrak
Zentzu antzaldatuen poemategia
Abestitzak eta poema kantatuak
Egunsentiaren esku izoztuak
Diskoen artean, besteak beste, hauek:
Errota zahar maitea
Nafarroa arragoa
Kantatzera noazu
Lore bat, zauri bat
Eskeintza
Hurbil iragana
Hainbat abeslarik musikatu eta kantatu izan dituzte Leteren olerkiak eta kantak, horien artean Mikel Laboa, Lourdes Iriondo, Antton Valverde, Imanol Larzabal edota Benito Lertxundi daudelarik.
Ohorezko Euskaltzain izendatutako beste hamarrak honakoak dira:
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
