Otsailean euskaltegietan matrikulatzeko aukera berria

Erabiltzailearen aurpegia Aiurri 2010eko otsailaren 10a

Buruntzaldeko Udalek, eskualdeko euskaltegi guztiekin batera, herritarrei gogorarazi nahi die aukera paregabea dutela eskualdeko edozein euskaltegitan matrikulatzeko. Zehazkiago, otsailean zehar, matrikula irekita dago Andoaingo, Astigarragako, Lasarte-Oriako eta Usurbilgo AEK euskaltegietan eta Hernaniko eta Lasarte-Oriako udal-euskaltegietan.

Ordutegien aukera oso zabala da, eta ikasmailena ere bai. Euskaltegi bakoitzaren eskaintzaren berri euskara. buruntzaldea.org gunean ikus daiteke. Webgune bertan, bakoitzak bere euskara-mailaren gutxi gorabeherako erreferentzia emango dion automailaketa oso modu sinplean egiteko aukera ere badago. Udal bakoitzak euskara ikasten dihardutenentzat dituen diru-laguntzak ere bertan kontsulta daitezke.
Euskaltegiekin harremanetan jartzeko telefonoak hauek dira:

EUSKALTEGIAK
  • Andoaingo AEK euskaltegia: 943 591 704.
  • Astigarragako AEK euskaltegia: 943 557 354.
  • Hernaniko AEK euskaltegia: 943 557 801.
  • Hernaniko udal-euskaltegia: 943 331 896.
  • Lasarte-Oriako AEK euskaltegia: 943 372 863.
  • Lasarte-Oriako udal-euskaltegia: 943 361 621.
  • Usurbigo Etumeta AEK euskaltegia: 943 372001.
Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!