Urnietan denboraleak eragindako kalte nabarmenik ez da izan. Han-hemenka botatako zuhaitzen bat, lur-jauziren bat edo beste eta txabolen bat edo besteren txapazko teilatuari zati bat altxa izana liburu bateko orria pasatu izan balute bezala.
Erauntsiak, kale eta parkeetako zuhaitzak ia hostorik gabe utzi ditu, eta horren ondorioz lurrean pilatutako orbelak estolda-zuloak estali eta hauek ura irenstea oztopatzen zuten hainbat kasutan. Horrek ekarri zuen hainbat guneetan ur-putzu handiak egin izana. Deigarria izan da, irailean inauguratu zen Urnietako autobide berriko sarrerako (Mandazubi gunean) hainbat trafiko seinale bertikal zer-nolako erraztasunekin erori den.
246 litro m2
Euriari dagokionez, asteazkenetik asteazkenera (azaroaren 4tik 11ra) 246 litro metro karratu neurtu ziren Urnietan. Egunik euritsuena, pasa zen asteartea izan zen, egun horretan 60 litro inguru egin baitzituen. Azaroa, azken urteetan hilabeterik euritsuena izan da eta aurtengoan ere badirudi horrela izango dela.
Eskualdean haize eta euri erauntsien soinua oraindik ere nonahi dabil. Eguraldi-gizon eta andreek esandakoaren arabera denboralearen erauntsi gogorrenak bukatu diren arren, kalteak txikiak izan badira ere, leku askotan nabari dira eta hurrengo egunetarako lainoen karga arinago izango bada ere, euria iragarrita dago.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!