Villabonako Jesusen Bihotza parrokia eraiki zela 100 urte beteko dira azaroan eta parrokiako batzordeak hainbat ekimen antolatu du mendeurrena ospatzeko. Batetik, Jose Antonio Pagolak "Volver a Jesucristo: Tarea urgente en la iglesia de hoy" hitzaldia eskainiko du azaroaren 17an, 19:30etan Gurea antzokian. Azaroaren 20an herriko talde ugarik parte hartuko duen emanaldi herrikoia eskainiko da Gurean 19:30etan. 28an berriz, Donostiako Orfeoiak kontzertua eskainiko du Jesusen Bihotza elizan 20:00etan eta argazki zahar nahiz berriagoen erakusketa ere ikusgai izango da Gureako erakusgelan, azaroaren 21 eta 22an eta 28 eta 29an, 12:00etatik 13:00etara.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!