Asteburu honetan Urnietara hurbiltzen denak ez du izango aspertzeko betarik, ostiral arratsaldez hasi eta igande gauera arte, gustu guztietako egitaraua prestatu baitute. Egitarau horretan badira nabarmentzeko moduko ekitaldiak, hala nola ostiralean bertan, arratsaldeko 19:00etan Txanbolin txistulari bandak antolatuta Mikel Laboa omenduko da (ikus gehigarria). Gauean herriko rock taldeen emanaldia izango da, eta konfirmatuta dago disko berria grabatzetik etorri berri den Cohen taldea bertan izango dela.
KOADRILEN EGUNA
Larunbata Koadrilen Eguna izango da, eta eguerditik aurrera herrian zehar ibili ondoren bakoitzak bere bazkaria egin eta arratsaldean jaiarekin jarraituko du.
BASERRITARREN EGUNA
Igandea Baserritarren Eguna izango da eta ohiko eskulanen erakusketa eta txekor eta sagardo dastaketaz gain, herriko kaleak girotzen izango dira zanpanzarrak, eta eguerdian dantza-soka berreskuratuko da.