Proiektuak (GI-3751) Amasa (Villabona) errepidearen gainean dagoen zubiaren behe-armadura sendotzea aurreikusten duela adierazi dute arduradunek, "karbono-zuntzeko xaflak ezarriz". Era berean, zubiaren bidezoruan lanak aurreikusten direla ere gaineratu dute, "aglomeratua eta dilatazio-junturak konpontzea". Jarriko den pantaila akustikoaren diseinuarekin pantaila hori inguruko paisaian integratzea lortu nahi da eta, horretarako, "makina egokiak erabili beharko dira egun dagoen landare pantaila babesteko".
Plangintza, zatika:
1 zatia (240 metro): Hormigoizko karela egingo da “in situ”, eta haren gainean 3 m-ko metakrilatozko pantaila bat ainguratuko da.2. zatia (410 metro): Aurrefabrikatutako hesia jarriko da, 6 metroko modulutan egina. Hesiaren atzean zarataren kontrako pantaila jarriko da, 4 m-ko garaierakoa, garaiera aldakorreko hormigoizko zokalo baten gainean ezarritako sestratik, errepidearen luzerako aldapa murrizteko.
3. zatia (45 metro): Lur armatuzko horma, eta bertan eginiko hormigoizko karela jarriko da gainean.
4. zatia (25 metro): Bat dator Amasako errepidera (GI-3751) sartzeko azpiko pasabidearekin. Puntu horretan zubiaren taularen lauza gogortuko da eta hormigoizko karela egingo da “in situ”.
5. zatia (700 metro): 2. zatiari emandakoaren antzeko irtenbidea emango zaio, baina hormigoizko pantailaren ordez pantaila metalikoa jarriko da.