Laukote euskaldunak Euskal Herriaren izenean parte hartu zuen. Segalariek ez ezik, aizkolariek, dantzariek eta txistulariek ere osatu zuten Almitza herri kirolen aldeko taldeak antolatu zuen euskal enbajada. Hain zuzen, Gabirondoren alaba Uxue gazteari txapelketan bildu ziren nazioarteko kirolari eta ikusleei aurreskua dantatzea egokitu zitzaion.
Hainbat alditan Euskal Herriko txapeldun atera den arren, aurten lehiaketa horretan parte ez hartzea erabaki du Mariluixa Gabirondok. Sasoi betean egon arren, lehiaketak eragiten duen tentsioak bultzatu dio erabaki hori hartzea.
Mariluixa Gabirondo segalariak Alemaniako munduko txapelketan parte hartu zuen beste behin. Gabirondo bigarren geratu zen taldekako lehiaketan, Arrate Garin, Naroa Geresta eta Irati Astondoarekin batera. Hamabi herrialdeetako ordezkariek jokatu zuten Thundorf-Ainring herrian nazioarteko txapelketa, abuztuaren 22-23an. Suitzarrak irten ziren garaile; hirugarren, berriz, alemaniarrak geratu ziren.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!