Eusko Jaurlaritzako Herrizaingo Sailak debekatu egin du Ezker Abertzaleak "Salbuespen egoera stop! Euskal Herriak du hitza eta erabakia" lelopean antolatutako manifestazioa. Oraingoz ezker abertzaleak ez du bertan behera utzi 18:30etan Bulebarretik abiatuko den martxa.
Atzo, "Independentziaren bidean. Aldaketa politiko eta soziala" lelopean manifestazioa deitu zuen ezker abertzaleak gaur 17:30erako, baina Herrizaingo Sailak debekatu egin zuen baimena eskatu zuen pertsonak "legez kanpoko taldeekin" harremana duela eta.
Debekuaren ondoren bigarren manifestazioa antolatu dute, baina hori ere debekatu egin du Herrizaingo Sailak "lehenengo martxaren jarraipena" dela eta deialdia "24 ordu baino gutxiagoko aurrerapenaz" egin dutela adieraziz, "gutxienez 72 orduko aurrerapenarekin" egin behar dela esan dute.
Donostiako Aste Nagusiaren hasierako egun honetan Animalien Eskubideen Aldeko taldeak deituta, gaur arratsaldeko 18:00etan Donostian, Bulebarretik abiatuta zezenketen aurkako manifestazioa egingo da. Aurretik eguerdian Bulebarrean bertan hogei gazte erdi-larrubizirik lurrean etzanda egon dira bizkarrean banderilak eta odol faltsua agerian zutela.
Bestalde Eusko Jaurlaritzako Herrizaingo sailak debekatu egin du Ezker Abertzaleak deituriko bigarren manifestazioa.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!