Autoz nahiz autokarabanetan joandako euskal herritarrak nonahi ziren txirrindularien joan etorria gertutik jarraitzeko, eta haiekin batera La Mongiraino autobusez bertaratutako urnietar talde bat, gero lauzpabost kilometro oinez ibilita, etapa gertutik ikustera hurbildutakoak. Larunbat gauean abiatu eta igande iluntzerako bueltan ziren, beste behin, tarte atsegina igarota. Etapa ikusita, eta egun pasa ederra eginda.
HITZORDUA EGINA
Hain zuzen, duela urte dezentetik Pirinioetako etapa ikustera herritar ugari joan izan da. Duela ez askora arte, bi autobus jendez beteta irteten ziren Urnietatik. Baziren gainera, leku faltagatik garraiobide berean inguruko herrietatik Tourra ikustera abiatu behar izaten zutenak ere. Aurtengo egunpasara joateko ordea, autobusa bete ezinik aritu dira antolatzaileak.
Horregatik, 2010.urteari begira, antolatzaileek herritarrak animatzen joan nahi dituzte, Tourmaletera joan daitezen. Lagun arte giro mundiala egon ohi dela gogorarazten dute, eta txirrindulari proba ikusgarriaz gozatzearekin batera, paisaia txundigarriak ezagutzeko aukera. Agenda ireki eta hurrengo urteko uztailerako hitzordua egina dago beraz.
Giro ederra eta euskaldunak nagusi Tourmaleten, tartean baita bertara joandako hainbat urnietar ere. Frantziako Tourra Pirinioetara hurbildu ohi denean irudi bera errepikatzen da urtero, eta edizio hau ez da salbuespena izan.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!