Eguerdiko 12ak aldera istripua izan da Urnieta eta Andoainen arteko mugan dagoen Leizotz industrigunearen sarrerako bidegurutzean, G131 errepidean. Dirudienez, Andoain aldetik zetorren kamio batek, industri gunetik ateratzen ari zen autoa jo eta errepidetik hamar bat metroraino bota du. Ibilgailu hau gurpilak gora dituela geratu da, kamioiak aurrealdean kalte txiki batzuk besterik ez dituen bitartean. Autoan gidaria bakarrik zihoan eta duela gutxi anbulantziak Donostiako ospitalera eraman dute. Autoaren egoera ikusita besterik badirudi ere, gidari honen zauriak ez omen dira oso larriak. Ertzaintza une hauetan trafikoa zuzentzen ari da, txandaka bidea itxiz alde batera edo bestera doazenei. ilarrak oraindik ez dira oso luzeak eta berehalakoan kamioia baztertu eta trafikoa normaltzea espero da.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!