Egun horretan hiritar guztiak batu nahi dituen kirol-jolas jardunaldia gauzatuko da: familiek, pertsona nagusiek edota eskola-adineko gazteek hartuko dute parte. Eguneko helburuen artean, kirola herritar guztien eskubidea izan dadin laguntzeko, kirola gizarteratzeko, hezkuntzarako eta aisia osasuntsu erabiltzeko tresna bihurtzea dira. Jarduera Europar Batasunak egin dituen gomendioen barruan kokatzen da.
Partehartzea sustatzeko asmoz zozketa ere egingo da:
-Haur eta nerabeei zuzenduta: Lagunartean egiteko kirol ekintza bat, piraguismoa edo antzekoa.
-Gazte eta helduentzat: Kirol materiala.
Zozketa hurrengo astean egingo da. Ekintza bakoitzeko parte-hartzaileen zerrendan izena eman behar da, zenbakia lortzeko. Bost ekintzatan parte hartzen duenak, bost zenbaki lortuko ditu.
Villabonako kirol elkarteek, Olaederra Kiroldegiak eta Udaleko Kirol Sailak kirolari ateak zabalduko dizkiote ekainaren 14an, kirolaren jarduera bera kaleratuz. Eguna, Villabonan kirola eta bere jarduera sustatzeko eta bertan dauden azpiegiturak ezagutzera emateko erabiliko da. Ekimena Gipuzkoako Foru Aldundikoak proposaturikoa da eta Villabonako herriak bat egin du Turinen eta Bartzelonan aspalditik ospatzen den egunarekin. ‘Kirolari Ateak Zabalik’ lemapean burutuko da, kirol jarduera ugariren erakustaldi erraldoia.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!