Korrikaren ardura izan duten euskaltzaleak pozarren egon daitezke, ehunka partaide bildu baita beste behin ere. Euskararen festa handia, horixe da Korrika. Aurten ere asko eta asko izan dira ongietorria adierazi diotenak. Eragile hauen ordezkariek lekukoa ematen zuten bitartean ehunka partaide aritu zen lasterka eta euskararen alde oihuka. Bi urtez behin, euskararen aldeko ekimena zirraragarri izan ohi da euskara maite dutenentzat.
AEK euskaltegiak modu batera edo bestera Korrikarekin bat egin duten guztiei eskerrak eman nahi dizkie.
Euskararen lasterketa Adunako herrigunetik zetorrela, eguerdi partean egin zuen agerpena Andoainen. Inquitex parean gaztetxeko kideak izan ziren lekukoa hartzen lehenak. Urnietako mugan, aldiz, udaletxeko langileak izan ziren lekukoa ematen azkenak. Eta, tartean, herriko gizarte, kultur eta kirol eragile ugarik bat egin zuen Korrikarekin. Besteak beste, Urki, Larramendi Bazkuna, Euskalduna eta Gazteleku kirol taldeak, herriko hiru ikastetxeak...
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!