Egun hauetan ez dago beste gairik Urnietako kaleetan, baina saritutako pertsona ez da azaldu, eta Maria Victoriak esan digunez, “ziurrenik ez da azalduko ere, administraziotik pasa beharrik ez baitu izango saria kobratzeko”. Hala ere pozik agertu da albistea izaten ari den oihartzunagatik, erakusleihoan sariaren berri ematen duen kartelak jarrita ditu, eta astelehen eguerdian kaleraino jende ilarak ikus zitezkeen. “Lesakatik ere etorri dira loteria erostera” adierazi du.
Egun horretan sei zenbakien asmatzaile bakarra izan zen. Txartela Urnietako Idiazabal kalean Maria Victoria Rotetak duen loteria administrazioan zigilatua izan zen. Irabazleak bi euroko besterik ez zuen jokatu, eta ez zituen zenbakiak aukeratu ere egin, hau da, administrazioko ordenagailuak automatikoki aukeratutako zenbakiekin egin zuen jokoa.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!