Igande goizaldean, Manex Castro Zabaleta villabonatarra atxilotu zuen Ertzaintzak, Apatx tabernan zegoela. ETAko kide izatea egozten zaio, urtarrilaren 12an Hernanin Ertzaintzaren aurka egindako atentatuan zerikusia izatea eta beste atentaturen bat "laster" egitekotan izatea. Manex atxilotu eta gero, bere familiak Hernanin duen etxean lehergailuak egiteko materiala atzeman zuen Ertzaintzak.Villabonako bizilekua ere miatu zuten ondoren.
Atzo, hauteskunde eguna, Ertzaintzaren presentzia handia izan zen herrian. 12:00etan eliza ondoan Ezker Abertzaleak ematekoa zuen prentsaurrekoa bertan behera geratu zen indar polizialaren presentziaren ondorioz eta Kultur Etxean bezperako atxiloketa "bortitza" salatzeaz gain, inkomunikazioak sortzen duen zalantza egoera mahai gaineratu zuten Ezker Abertzaleko kideek. Atzo iluntzerako deitutako manifestazioa atera bezain laster eten zuen Ertzaintzak. Ezker Abertzaleak Manexi nahiz haren familiari babesa eskaintzeko manifestaziorako deia egin du, gaur astelehena, 20:00etan, plazatik abiatuta.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!