Esleipen era:
Zozketa publikoa
Esleipendun izateko baldintzen laburpena:
a) Norbanakoen baldintzak
Esleipena jasoko dutenak adin nagusiko pertsona fisikoak izango dira, edota bizikidetza-unitateak.
Bizikidetza-unitatetzat hartuko da helbide berean bizi diren edo biziko diren bi pertsona edo gehiagok osatutakoa. Horien arteko lotura ezkontzaren bidezkoa edo ezkontzakoaren antzeko beste lotura-motaren baten bidezkoa izan daiteke, baita adopzioaren edota 3. mailara arteko odol-ahaidetasuna edota 2. maila arteko ezkontza-ahaidetasun bidezkoa ere. Ez da bizikidetza-unitatetzat hartuko adiskidetasun edo komenentzia arrazoiengatik elkarrekin bizitzea.
b) Erroldatze baldintzak
Etxebizitzetako baten esleipendun izateko bakarka aurkeztuko den pertsonak edota titular moduan agertu nahi duen bizikidetza-unitatea osatzen dutenetako batek lotura izan beharko du Villabonarekin, jarraian adieraziko diren era hauetakoren batean:
-Villabona izatea ohiko bizilekua eta bertan erroldatuta egotea gutxienez 2003ko abenduaren hamabostetik eskaerak aurkezteko epea amaitzen den eguna arte, hau da, 2008ko abenduaren hamabosta arte.
-Villabonan gutxienez hamabost urtez erroldatua egon izana eta oinarri hauek onartzen diren egunean Villabonan erroldatuta egotea.
c)Etxebizitza beharren baldintzak
Udal etxebizitza tasatuen onuradun guztiek (elkarbizitza-unitateko kide guztiak sartzen dira onuradunen multzoan) bete behar duten baldintza da etxebizitzarik ez edukitzea era hauetakoren batean: Jabetzan –erabatekoa edo azalerakoa- edota biziarteko gozameneko eskubide erreal bezala.
d) Baldintza ekonomikoak
Gehieneko diru-sarrera neurtuak urteko 52.500´00 eurokoak izango dira, eta gutxieneko diru-sarrera neurtuak berriz urteko 9.000´00 eurokoak. Mugikortasun urria duten ezinduak izanez gero (horrela definituta 2002ko abenduaren 30eko Aginduan –etxebizitzen beharrari buruzkoan-, eta haren ordez atera daitekeen ondorengo legediaren arabera), aski izango da 3.000´00 euroko gutxieneko diru-sarrerak egiaztatzea.
Diru-sarrera horien justifikazioak 2007ko ekitaldikoa izan beharko du.
Ezaugarriak:
Jabetza-erregimena dagokio honelako etxebizitzen erosketari eta Udal etxebizitza Tasatuen (UET) araudi orokorraren menpe egongo dira etxebizitzak, behin-betikotasunez.
Eskaerak aurkezteko epea:
Abenduaren 17a arte, 09:00etatik 14:00etara.
Lekua:
Udaletxeko Erregistro Orokorra.
Kontsultak:
Lanegunetan (astelehenetik ostiralera, biak barne) kontsulta hartuko da eta eskaera egiteko eredua emango da udaletxeko Osoko Aretoan, 10:00etatik 14:00etara