Erreportari gazteen sariketa Gazte Astearen atarian

Erabiltzailearen aurpegia Aiurri 2008ko abenduaren 3a

Martin Ugalde ipuin lehiaketako sari banaketa pasa eta aste gutxira, Andoaingo Udalak erreportari gazteak sarituko ditu. Aurtengoa Erreportari Gaztea Sariaren hamaikagarren edizioa da eta, guztira, berrogei lan aurkeztu dira. Iaz baino bederatzi gehiago.  
Epaimahaiak, aurten, hiru sari emango ditu. Baina ez hori bakarrik, aipamen berezia jasoko du laugarren lan batek. Ezin oraingoz informazio gehiago aurreratu, irabazleen izen abizenak abenduaren hamaikan aditzera emango baitira Gazte Lokalean, arratsaldeko seiretatik aurrera. Aurreko urteetan bezalaxe, saria jasoko duten lanak argitara emango dira.

Gazte Astea 2008 

Abenduak 22, astelehena
17:00. Ping-pong eta Futbolin Txapelketak.

Abenduak 23, asteartea
17:00. Gabonetako opari tailerra.

Abenduak 26, ostirala
09:00. Eskupilota.
17:00. Postre tailerra.

Abenduak 27, larunbata
17:00. Xake eta Damak.

Abenduak 28, igandea
17:00. Mus eta eskoba.

Abenduak 29, astelehena
09:00. Futbola.
16:30. Argazki rallya.

Abenduak 30, asteartea
09:00. Krosa.
10:30. Futbola.
16:30. Altxorraren bila.
17:00. Karaokea.

Abenduak 31, asteazkena
10:00. Basketa Ondarretan.

Urtarrilak 2, ostirala
10:00. Frontenisa.
17:00. Sari banaketa.

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!