Joan zen astelehenean eman zitzaion hasiera Aizkardiko XXV. Mendi Asteari. Astelehenaz geroztik, Gurea zinemaren sarreran ikusgai daude Argazki Rally-an ateratako argazkiak. Ikusleek gogokoen duten argazkiari botua emateko aukera izango dute aste guztian zehar eta modu horretan Ikuslearen saria aukeratzeko. Ostiral iluntzean izango da sari-banaketa. Bestalde, Aizkardik iragarritako ikus-entzunezkoen egitarauan bada aldaketa bat. Gaur Juan Vallejoren Karakorum-go mendiak emanaldia iragarrita bazegoen ere, ostiralean izango da saio hori. Ostiralerako iragarrita zegoena, berriz, gaur iluntzean izango da: Ama Dablam (6856m.)-Imja (6189m.), Unai Zendoia eta Oskar Porrasen eskutik. Ondorengoa ostirala bitarteko egitaraua:
Azaroak 26, asteazkena: Ama Dablam (6856m.)-Imja (6189m.): Unai Zendoia eta Oskar Porras. 20:00etan Gurean.
Azaroak 27, osteguna: Begiz begi: Alberto Iñurrategi. 20:00etan Gurean.
Azaroak 28, ostirala: Karakorum-go mendiak: Juan Vallejo. 20:00etan Gurean. Ondoren I Argazki Rally-aren sari-banaketa.
Azaroak 30, igandea: Mendi ibilaldia eta bazkaria. 08:30etan Olaederratik.
