Fraisoroko estazio meteorologikoak 57 litro ur bildu zituen aurreko igandean, euri zaparrada indartsuen ondorioz. Euri-jasa handiak izan ziren igandean baina, asteazkenekoarekin alderatuta, ez horrenbeste. Izan ere 100 litro jaso baitzituen estazioak asteazkenean. 100 horietatik 33 litro, ordubeteko tartean: arratsaldeko 16:30etatik 17:30etara. Segidako euri zaparrada indartsuen ondorioz, arazoak sortu ziren eskualdeko hainbat herritan; urak hainbat garaje eta lokal hartu baitzituen.
Asteburuari begira, badirudi eguraldiak hobera egingo duela eta igandean bereziki, giro lehorra eta epelagoa izango dela.
Joan zen igandea eta bereziki asteazkena oso egun euritsuak izan ziren. Fraisoroko estazio meteorologikoak jasotako datuek erakusten dutenez, 2007ko abuztuaz geroztik ez zuen horrenbeste euririk egin egun berean.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!