San Markos Mankomunitateak ekimen berri hau garatu du, eta bitarteko baliagarri hau jarri du herritarren eskura hondakinen sorrera gutxitzeko eta prebentzioaren aldeko kontzientzia sustatzeko. Kanpainak “Zurekin egunero” du izena, eta helburu nagusia da egunero ogia saltzean erabiltzen diren plastikozko poltsen eta paperezko bilgarrien erabilera gutxitzea.
BURUNTZALDEKO HERRI GEHIENETAN
San Markos Mankomunitatea osatzen duten 10 udalerrietan ogia saltzen duten dendei zuzendurik dago kanpaina: Astigarraga, Donostia, Errenteria, Hernani, Lasarte-Oria, Lezo, Oiartzun, Pasaia, Urnieta eta Usurbil. Guztira, 284 dendak parte hartuko dute. Erdiak Donostian daude, eta gainerakoak, lehenago aipatutako 9 udalerrietan.
Berriro erabil daitezkeen oihalezko poltsak erabiltzea bultzatzen duen kanpaina bat hasi du San Markos Mankomunitateak. Ogia saltzen den dendetan 60.000 poltsa banatzen ari dira Gipuzkoako hamar herrietan, tartean Urnietan. Horrela, plastikozko poltsen erabilera gutxitu nahi da, eta hondakinen sorreraren prebentzioa bultzatuko duten ekimenetan aurrerapauso bat eman nahi da.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!