Bezperan ekindako elkarlanari jarraipena eman asmoz, urnietarrak eta Continuitat taldeko kideak kalejiran irtengo dira jarraian. Gertukoak biziberritu eta dantza egiteko beste ohiturak ikasteko aukera izango da beraz. Bi dantza taldeen arteko elkartrukearen lehen fasea da hau. Gerora, Urnietako dantza taldekoak Torrella de Montgrí herrira joango baitira gonbidatu gisa.
Asteburu bete ekitaldi geratzen da oraindik. Poxta Zaharrek antolatutako mus txapelketa eta oilasko jana ostiralean, Koadrilen Eguna larunbatean. Emakumezko lagun taldeei, aurtengoan, gizonezkoenak gehituko zaizkie. Iluntzean, Tomakandelaren afaria eta salsa kontzertua. Sanmieletako azken txanpan berriz, herri kirol saioa eta zekor zein sagardo dastaketak. Eta ohi denez, zezen suzkoa eta azken trakarekin.
Aurrera Gure Ametsa dantza taldekoen eskutik, Herrialde Katalanetan kokatua dagoen Torroella de Montgrí herriko Continuitat dantza taldekoak datoz Urnietara Sanmieletan, asteburu pasa. Bi taldeak buruz buru ariko dira dantzan, larunbat zein iganderako antolatuta dauden ekitaldietan. Urriaren 4an, Saroben arituko dira eta igandean, urriaren 5ean, ohi denez Ingurutxoa dantzatuko dute Aurrera Gure Ametsa dantza taldekoek.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!