Bi hilean behin egin ohi den osoko bilkura izango da gaur udalbatza aretoan, 19:00etik aurrera. Miren Quintas zinegotziak dimisioa aurkeztu zuenetik hutsik dagoen eserlekua Xabier Sasiainbarrenak hartuko du.
Bestalde, sozialistek eta jeltzaleek aurkeztutako hiru mozio aztertuko dituzte udal ordezkariek. PSE-EE-k oinezkoentzako pasabidearen eta zirkulazio arintzeari lotuta aurkeztutakoak; eta EAJ-PNV-rena, Lasarte-Oria eta Urnieta autobus zerbitzu bidez lotzeari buruzkoa.
San Markos Mankomunitatearen proposamena ere ahotan hartuko dute; landa eremuan edukiontziak jartzea hain zuzen.