Joan zen irailaren 18an UEMAko hainbat kidek prentsaurrekoa eskaini zuten Alegian. Besteak beste, UEMAko Zuzendaritza Batzordeko kide Miren Aburuza adunarrak, “egungo hizkuntz politika bezalaxe, ratioek ez dute balio gure herrietan. Askotan, oztopo ez ezik erabateko muga ere badira taldeak sortzeko eta herritarrak izena ematera animatzeko”, adierazi zuen eta horrekin lotuta, herri euskaldunen berezitasuna kontuan hartzeko eskatu zuen.
Matrikulazio kanpaina irailaren 19an itxiko da Aitzolen, eta irailaren 26an AEKn. UEMAko heritarrek udaletxeetara jo dezakete, informazioa eskuratzeko eta izena emateko. Tolosaldeko UEMAko herriak hauek dira: Aduna, Alegia, Altzo, Anoeta, Baliarrain, Belauntza, Elduain, Gaztelu, Ikaztegieta, Irura, Leaburu-Txarama, Orendain eta Orexa.
Eskualdeko Udalerri Euskaldunen Mankomunitateko Udalek eta euskalgintzako kideek bat egin dute Aitzol Tolosako Udal euskaltegiak eta Andoaingo AEK-k abian jarri duten matrikulazio kanpainarekin. Aurten, Udalak ahalegin berezia egiten ari dira herriz herri ikasle taldeak sortzeko, eta, horretarako, udaletxeetan izena emateko aukera eman dute eta diru laguntzak eskaini. Helburuak erdaldunak euskarara hurbiltzea eta euskaldun alfabetatugabeek alfabetatze taldeetan izena ematea dira, UEMAko herri euskaldunak orain arte bezala edo hobeto euskaraz bizitzen jarrai dezaten.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!