Gipuzkoako Sagardogileen Elkarteak Sagardonat izeneko aldizkaria plazaratzen du. Uztaileko alean aipatzen duenez, Foru Aldundiak dirulaguntza berri bat eskainiko du udazkenetik aurrera. Diputazioak aspalditik ematen ditu dirulaguntzak (lehenengo eta hirugarren urterako landaketak) sagardorako landatzen diren sagarrondoetarako. Orain, sagastien egoera hobetzeko (garbitzeko, bideak txukuntzeko, hesiak jartzeko eta abar) plan berri bat jarriko da abian.
Dirulaguntza deialdia, urrian
Horretarako, laster aterako dira, urria aldera edo, dirulaguntza-eskabidea egiteko baldintzak. Datu zehatzak aurreratu gabe, baina horrela eman zuen aditzera Gipuzkoako Foru Aldundiko Landa Ingurunearen Garapeneko Departamentuaren diputatua den Rafael Uribarrenek, VII. Sagardo Lehiaketaren sari banaketaren unean.
Sagastiak dituzten nekazarientzako dirulaguntza berriak iragarri ditu Foru Aldundiak
Gipuzkoako Foru Aldundiak hurrengo hilabeteetan dirulaguntza berri batzuk jarriko ditu martxan sagastiak dituzten nekazarientzat. Orain arte, landaketa zen diruz laguntzen zuena. Baina aurrerantzean, sagastien egoera hobetzeko ere bideratuko da beste dirulaguntza berri bat.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!