Larunbatean, Oinkariko gaztetxoenek "Iraganaren geroa" dantza ikuskizuna eskainiko dute Olaederra kiroldegian 22:30etan. Astelehenean inauguratu zen baserritar jantzien erakusketa, berriz, ekainaren 15a arte, igandera arte zabalik egongo da. Garai bateko Euskal Herriko txoko ezberdinetako jantziez gain, hainbat argazki ere biltzen du erakusketak, jantzi eta apaingarrien azalpenak emanez. Gureako erakusgelan ikusgai 11:00tatik 13:00etara eta 17:00etatik 22:00etara.
Ekainaren 15a arte Dantza Astea izango da Oinkari dantza taldearen eskutik Amasa-Villabonan. Atzo iluntzean "euskal dantzak lehen eta orain" gaiaren inguruko mahai-ingurua izan zen Gurean. Bihar iluntzeko 20:00etan baserritar jantzien inguruko hitzaldia izango da Ramon Garciaren eskutik.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!