"Joxean Barandiaran eta Ainhoa Ozaetaren senideontzat ez dira errezak izan azken egunak.
Ez dira berriak Euskal Herrian bizi diren atxiloketa eta jazarpenak. Eta oraingoan gure azalean bizitzea egokitu zaigu tamalez.
Joxean eta Ainhoa, Andoainen alde lan asko egindakoak dira. Udalgintzan-herrigintzan, bestelako Andoain berri bat eraikitzen.
Honetxegatik, askotan izan dira jo puntuan jarriak. Ezaguna da Joxeanen aurkako sasi-epai eta inabilitazioak.
Joxean eta Ainhoaren atxiloketen aurrean uadaletxe honetako zinegotziek izan duzuen jarrera guztiz lotsagarria izan da eta hori salatu nahi dugu.
Bost egunez bahituak, inkomunikatuak, polizia ezberdinen hatzaparretan, torturaren hatzaparretan egon dira; eskubiderik gabe espetxeratuak izan dira eta zuek ixilik egon zarete.
Madrilgo Kongresuan Guardia Zibilaren aldeko adierazpenak sinatzen dituzuen horiek, duela bi aste Gasteizko Parlamentuan torturaren aurka adierazpenak sinatzen duzuen berak, bi herritarren, Alkate eta zinegotzi ohi biren atxiloketa, inkomunikazioa, tortura arrisku eta espetxeratzearen aurrean ixilik egon zarete.
Senideok zuen babesa eskatu dugunean, bizkar eman diguzue.
Udal honek Andoaindar guztien eskubideak defendatu behar ditu, eta ez zapaldu.
Hemen eta orain, ardura politikoa eta duintasunik baduzue publikoki zuen jarrera argitzeko exigitzen dugu".
Batzarraldiaren amaieran, galde erreguen atalean atxilotuen senideek hitza hartzea eskatu dute. Alkateak, ordea, ez die aukerarik eman "ez diot hitza emango terrorismoa gaitzesten ez duenari". Hori esan aurretik, errugabetasun presuntzioa eta epai judizialak errespetatzen dituela adierazi du Perez Gabarainek. Horrela amaitu da aztergai gutxi zituen batzarraldia. PPko eta PSE-EEko zinegotziek alde egin dutenean atxilotuen senideek eta haiekin zeuden herritarrek alderdi abertzaleen jarrera gogor kritikatu dute. Senideekiko agertu duten laguntza eskasarekin haserre agertu da batzarraldira gerturatu den herritar taldea.
Jarraian, senideek Udaletxean irakurri nahi zuten testua:
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!