DUNBOA EGUZKI 0
URNIETA 4
Garaipen garrantzitsua Urnietako infantilek larunbata goizean Irunen lortutakoa. Kosta egin zaie harri txintxarrezko zelaira egokitzea eta atsedenaldira golik gabeko berdinketarekin joan dira. Bigarren zatian lehenengoa lortzearekin bata bestearen atzetik egin dituzte lau golak. Fase hau amaitzeko partida baten faltan, bigarren postuan daude. Larunbatean irabazten badute, lehen tokian jarriko lirateke eta ondorioz Gipuzkoako kopako finala jokatu, jadanik sailkatuta den Euskalduna taldearen aurka. Animo mutilak!
EKINTZA 4
URNIETA KADETEAK 3
Golak: Urru (2), Miguel.
Donostiako Berion, ostegun goizera aurreratutako partidatik esku-hutsik etorri ziren Urnietako kadeteak. Ustez arerio errazaren aurkako partidan, ondo jokatuz hasi ziren Pabloren mutilak eta atsedenaldirako bi goleko abantaila hartua zuten. Bigarren zatian indartsu atera zen etxeko taldea, eta jokoan gorritxoak nagusitzen baziren ere, Ekintzakoek, kontraerasora jokatuz, lau gol egin zituzten bata bestearen atzetik. Azken minutuetan aldea beste gol batez murriztuagatik punturik gabe etxeratu ziren oraingoan ere.
URNIETA JUBENILAK 7
AMAROZ 1
Golak: Dani (4), Iban Bruna (2), Mikel Gonzalez.
Denboraldiko azken partidan irudi ona eskaini zioten astero-astero beraiekin egon den afizioari.
Lehen zatian Dani eta Iban izan ziren arriskutsuenak, eta denborak aurrera egin ahala golak lortzen hasi ziren, eta baita aukera garbiak sortzen ere. Zegoen beroagatik jokoa moteldu egin zuten urnietarrek, eta Amarozekoek lehen eta azkena lortu zuten. Handik aurrera hobetu eta defentsa ondo zegoenez segurtasun hori beste adiskideei pasa zieten, eta bigarren zatian bi aurrelari gazteek gol bikainak lortu zituzten. Afizioari eskerrak eta animo, hurrengo urtean behar zaitugu eta!!
BEHOBIA 3
URNIETA ERREGIONALA 0
Denboraldi honetako lanak zuzen egin eta gero, Urnietak, beroa eta Behobiaren hiru gol jasan behar izan zituen Irunen jokatutako partidan. Norgehiagoka eskasa jokatu zuten jokalari gorritxoek eta beti etxekoen menpean egon ziren. Arerioak lehen zatian aurreratu ziren markagailuan. Gainontzeko bi golak bigarren zatian iritsi ziren, urnietarren inolako erreakziorik gabe. Sailkapena:
1. Mundarro 63 puntu
13. Urnieta 30 puntu
16. Irun 1902 19 puntu
- Behobia 3 – 0 Urnieta Regionala Urnieta–Beti Ona Lar, 17:00
- Arrasate 6 – 0 Urnieta Neskak Urnieta
- Urnieta 7 – 1 Amaroz Jubenila Urnieta [Denboraldia amaitu dute]
- Ekintza 4 – 3 Urnieta Kadete Urnieta–Arrasate Lar, 10:30
- Dunboa 0 – 4 Urnieta Infantila Urnieta–Gure Txokoa Lar, 12:00