Andatza Eguna datorren maiatzaren 4an, igandearekin

Erabiltzailearen aurpegia Aiurri 2008ko apirilaren 23a

Andatza mendia Zizurkil eta Usurbilgo lurretan kokatuta dagoenez, azken urteotan Andatza Eguneko antolaketa lanak ere bi herrien artean egiten dira. Mendi kuttun honetara igo nahi dutenek egun osoa izango dute, baina festak goizean izango du hitzordu nagusia.

Ohi bezala, Andatzara hurbiltzen diren guztiak hamaiketako ederraz gozatzeko aukera izango dute. Indarrak berdindu ondoren, herri kirol saioak ikusteko aukera izango da. Ez hori bakarrik. Bertsolariek eta trikitilariek alaituko dute eguerdia. Eta nahi izanez gero, bertan bazkaltzeko aukera izango da. Baina bazkaria norberak eraman behar du. Kafea eta kopa, ordea, antolatzaileek banatuko dute.
 
Maiatzak 4, igandea
Egun osoz Andatza mendian erromeria
  • 11:00 Hamaiketakoa: salda, txorizoa, haragi egosia eta edaria.
  • 12:00 Herri kirol eta jokoak haurrentzat eta helduentzat.
  • 14:00 Bazkaria (norberak berea eramanda). Kafea eta kopa banatuko dira.
Goizean zehar, erromeria: trikitilari eta bertsolariak.
Antolatzaileak: Zizurkilgo Ziotza Elkartea, Usurbilgo Andatza Mendi Elkartea, Zizurkilgo Udala eta Usurbilgo Udala.

Gizartea Zizurkil
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!