Hilabete batzuk prestaketa lanetan aritu ondoren, apirilaren 17an errekor berri bat jarri zuen. Marijo Sardon harri jasotzaile urnietarrak ostegun hartan zuzenean parte hartu zuen ETB-1 telebista kateko "Horrelakoa da bizitza" saioan. Andoni Aizpuruk aurkezten duen saioan, 125 kiloko harri zaharra bi aldiz altxa zuen (hirugarren bat baliogabea izan zen). Bost minutuko tartea izan zuen. Inoiz emakume batek altxa duen pisurik handiena da. Herri Kiroletako Federazioak gertutik jarraitu zuen proba. Sardonek pasa den urrian burutu zuen azken errekor saiakera. Orduko hartan, bost minututan 89 kilotako harri borobila sei aldiz altxa zuen. Lorpenarekin oso gustura ziren Sardon eta baita bere prestatzaile Luis Mari Telleria ere, nahiz eta kirolariak belauna lesionatua izan. Horregatik, proba haren ostean, bi hilabetez eten zuen kirol jarduna.
Gaur igandea, maiatzak 25, Marijo Sardon harri jasotzaile urnietarrak marka berri bat jarri du Urnietako pilotalekuan. 125 kiloko harria (zilindro zaharra) hiru aldiz bost minututako saioan bizkarreratuta. Horrela, duela hilabete pasatxo zuzenean ETBko "Horrelako da Bizitza" saioan harri berari emandako bi jasoaldiko marka hautsi du. Laugarren altxaldi bat ere egin du baina epaileek baliogabetzat jo dute.Harri hau da orain arte emakume batek inoiz jaso duen handiena.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!