Apirilaren 5ean, Ordozgoiti-Inza Jubenilek eta Karrera-Bereziartu kadeteek Gipuzkoako Udaberri sariko final-erdiak jolatuko dituzte.
Behar-Zanako kide Iñaki Lizasok adierazi duenez, "Kadeteek lehen mailan, Astigarragan Mundarro taldearen aurka jokatuko dute arratsaldeko 17:00etan eta finalean sartzeko aukera polita dute".
Jubenilek 3. mailan berriz, Amasako pilotalekuan izango dute hitzordua. "Oreretako EPLEren aurka jokatuko dute Jubenilek eta faboritoak Behar-Zanako kideak izango dira ligaxkako partidan 22-11 irabazi ostean. Partida hori arratsaldeko 16:00tan jokatuko da Amasan".
Partida gehiago ere izango da asteburuan, "Behar-Zanako Infantilek Rico-Otaegi eta Ormazabal-Otaño bikoteek Alegian jokatuko dituzte beren Udaberri txapelketako partidak arratsaldeko 16:00tan hasita. Bestalde, orain gutxi Gipuzkoako eskolarteko txapelketa irabazi duten Labaka-Erasun Alebinek errendimendu txapelketako lehen partida jokatuko dute 16:30tan Berastegiko pilotalekuan, larunbatean".
Behar-Zanako gainerako pilotariek atsedena izango dute aste honetan zehar.
Behar-Zanako Kadete eta Jubenilek Gipuzkoako Udaberri txapelketako final-erdietan jokatuko dute. Larunbatean partida bat bainogehiago izango da han eta hemen.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!